Mae ein diwylliant yn arloesol, yn gydweithredol ac yn garedig; ein pobl sydd wrth wraidd popeth a wnawn. Rydym yn gwerthfawrogi’r amrywiaeth, y profiadau a’r safbwyntiau y gall pob cydweithiwr eu cynnig, gan greu amgylchedd lle gall pawb gyfrannu gyda phwrpas. Mae’r dull hwn yn creu gweithle lle mae cydweithwyr yn teimlo eu bod wir yn cael eu gwerthfawrogi, eu clywed a’u grymuso – nid yn unig i wneud eu gwaith gorau, ond i dyfu’n bersonol ac yn broffesiynol.
Canlyniadau ein arolwg pobl
Mae ein canlyniadau’n dweud y cyfan – rydym wedi bod yn un o chwech adran uchaf Gwasanaeth Sifil y DU dros y 5 mlynedd diwethaf.
Dyma rai o uchafbwyntiau 2024:
- Cyflog a buddion (1af)
- Straen (2il)
- Llesiant (3ydd)
- Fy nhîm (3ydd)
- Fy rheolwr (3ydd)
- Adnoddau/llwyth gwaith (3ydd)
Chi fydd ein caffaeliad pennaf
Rydym yn credu mai ein pobl sy’n ein gwneud ni’n eithriadol. Rydym yn buddsoddi yn eich datblygiad, yn blaenoriaethu eich llesiant, ac yn creu cyfleoedd i chi dyfu’n bersonol ac yn broffesiynol. Os ymunwch â ni, byddwch yn rhan o dîm sy’n gwerthfawrogi eich cyfraniad ac yn cydnabod eich potensial.
Tysteb gan Richard, ein Dylunydd sy’n Canolbwyntio ar y Defnyddiwr
“Rydych chi’n dysgu trwy wneud, ac yn cael cefnogaeth gynnes a chydweithredol. Fyddwch chi ddim yn eistedd mewn cornel yn gweithio ar ddamcaniaethau – byddwch yn gweithio ar brosiectau go iawn sy’n gwneud gwahaniaeth i bobl Cymru.
Dwi wedi bod yn lwcus iawn. Allwn ni ddim gofyn am well cefnogaeth!”
Cynhwysiant a llesiant
Rydym yn falch o fod yn weithle cynhwysol sy’n adlewyrchu’r cymunedau amrywiol rydym yn eu gwasanaethu. Gyda’n hystod eang o rwydweithiau staff, ein polisi dwyieithog, a chymorth Cymraeg cynhwysfawr, rydym yn gweithio’n galed i sicrhau bod pawb yn teimlo eu bod yn cael croeso, cefnogaeth a’u bod yn gallu cyfrannu’n hyderus.
Mae iechyd meddwl a llesiant yn flaenoriaeth i ni. Mae gan gydweithwyr fynediad at wasanaethau iechyd meddwl pwrpasol trwy ein rhaglen cymorth i weithwyr, awr llesiant wythnosol a chefnogaeth gan ein gweithwyr cymorth cyntaf iechyd meddwl. Mae gan ein grŵp llesiant ran allweddol hefyd – mae ei weithgareddau cymdeithasol a’n mentrau hybu iechyd yn dod â phobl ynghyd i ddysgu, i gysylltu ac i deimlo llawenydd. Boed yn glwb llyfrau neu’n grŵp pobi, mae rhywbeth at ddant pawb.
Pam mae ACC yn lle gwych i weithio?
“Pan fyddwch chi’n ymuno ag ACC, bydd pwrpas i’ch gwaith a byddwch yn teimlo balchder yn yr hyn rydych chi’n ei gyflawni.
“Rydym yn credu mewn gweithio ar y cyd, yn arloesol, a gyda charedigrwydd. Rydym yn adeiladu amgylchedd teg a chynhwysol lle gall pawb ffynnu, teimlo eu bod yn cael eu gwerthfawrogi, a’u bod yn cael eu clywed.
“Rydym eisiau i chi gael mwy na dim ond swydd – rydym eisiau i chi gael lle i dyfu, i gyfrannu, ac i berthyn.”
Rebecca Godfrey – Prif Weithredwr ACC
insert video
Video transcript unavailable