Byddwch yn ymuno â thîm o dros 100 o bobl dalentog o 14 o wahanol broffesiynau, gan gynnwys meysydd AD, Cyfreithiol, Gweithrediadau, Data a Digidol. Beth bynnag yw eich diddordebau neu eich sgiliau, mae amrywiaeth o swyddi i’w cael ar draws ein sefydliad.
Tysteb gan Zoe, ein Datblygwr Meddalwedd
“Fel rhywun sy’n hoff o drafod syniadau gydag eraill, ac sy’n mwynhau bod o gwmpas pobl eraill yn y swyddfa, mae ACC yn berffaith i mi. Rydw i wedi bod yma ers dros 6 blynedd bellach, a dydw i ddim wedi teimlo fy mod dan anfantais o gwbl o’i gymharu â’m cydweithwyr gwrywaidd. Mae pawb wedi bod yn gefnogol iawn trwy’r amser, ac mae digon o gyfleoedd i ddysgu ac i dyfu. Fe wnes i ddechrau fel prentis yn 2019, cyn cael fy nyrchafu i swydd Gweithiwr Iau yn 2023. Des yn ddatblygwr cwbl gymwys yn 2024.
Byddwn yn annog menywod sy’n ystyried gyrfa yn y maes hwn i fynd amdani – ͏ffotograffiaeth oedd fy nghefndir i, a doedd gen i ddim profiad gyda chyfrifiadureg pan ymunais ag ACC. Does dim ots o gwbl beth yw eich cefndir!”
Dewiswch eich llwybr gyrfa
Ymunwch â ni trwy swydd lefel mynediad, prentisiaeth neu fel Gwas Sifil newydd. Waeth ble fyddwch chi o ran eich gyrfa pan fyddwch yn ymuno â ni, rydym yn cynnig llawer o amrywiaeth i’ch helpu i feithrin sgiliau newydd ac i gael blas ar wahanol feysydd gwaith. Mae digon o gyfleoedd datblygu i’ch helpu chi i dyfu’n bersonol ac yn broffesiynol.
Rhaglen brentisiaethau
Mae prentisiaethau’n ffordd wych i’n gweithwyr ddatblygu sgiliau newydd tra byddan nhw’n gweithio i gael cymhwyster cydnabyddedig.
Rydym yn cynnig amrywiaeth o brentisiaethau, gan gynnwys rhai dylunio digidol, adnoddau dynol a dylunio sy’n canolbwyntio ar y defnyddiwr.
